Bihar, martxoak 1, 18:00etan, Udaleko Osasun eta Kontsumo Sailak 'Adikzioak, sexua eta emakumea' izeneko doako hitzaldia eskainiko du Basurtuko Udaltegian.
Bilboko euskal kulturgintzaren erradiografia aurkeztuko digu Oihana Bartrak Deustuko Gazte Lokalean Nire amaren hiria ikus-entzunezko lanean. Bilbon bizi eta jaio diren hainbat artistaren gogoetak biltzen ditu Santutxuko bertsolariak bertan, hiriaren kultur egoera ekartzen digutenak. EKT (Euskal Kulturaren Transmizioa) graduondoko amaiera lana da hau, unibertsitatetik haratago doana, eta egileak berak azalduko dizkigu gogoeta honen nondik-norakoak. [Zuzendaria: Oihana Bartra. Iraupena: 17 minutu. *Deustuko Gazte Asanbladarekin antolatua]
Ekimen berria jarriko dute abian gaur Erronda kaleko lau tabernek, 7Katu gaztetxeak eta 24 bertsolari gaztek elkarlanean: Bertso Erronda.