Emakumeen Nazioarteko Eguna izan zen atzo eta ondorioz, Euskal Herriko hiriburuetan manifestazioak burutu ziren. Bilbon arratsaldeko 19:00etan abiatu zen martxa Arriagatik “Gure askatasuna borrokatuz” lelopean.
Manifestazioan parte hartu zuten lagunek abortu-legearen erreforma proiektua "eskubideen atzerakadaren gailurrean" kokatu zuten eta “duintasunez erabakitzeko eskubidea” eta "inposizio eta debekurik gabe aukeratutako amatasun eskubidea" aldarrikatu zituzten.