1.200 lagun inguru abiatu ziren 16:30ean Arte Ederren Museotik La Casillara kate erraldoi batean. Ekainaren 8ari begira Gure Esku Dagok ekitaldia antolatuta zuten 17:30ean eta apurka-apurka aretoa gorarte bete zen. Xabier Euzkitzek bertso batekin ireki zuen egitasmoa erabakitzeko eskubidea aldarrikatuz eta Katalunia eta Eskoziaren aurretiazko lana txalotuz. Ordutik aurrera, berak eta Naroa Iturrik egin zuten aurkezle lana.
Ekitaldian euskal herritar ugarik hartu zuten hitza, baita kirolari zein kultur arloko pertsona ezanguratzuek ere. Denek argi utzi zuten, "herri bat izanda, erabakitzeko eskubidea dugula eta oraingoa, herritarren garaia dela".
Momentu oro Eskozia eta Kataluniako prozesu subiranistak aipagarri izan zituzten eta Katalanek giza kateari babesa ematen dion bideoa erakutzi zuten ere.
Gure Esku Dago Euskal Herrian erabakitzeko eskubidearen aldeko dinamikak 123 kilometro; horixe da Durango eta Iruñea artean dagoen tartea, batuko ditu eta larunbateko ekitaldian jakinarazi zutenez 22.000 lagunek eman diote dagoeneko atxikimendua. 50.000 lotzea da xedea, eta dinamika bete-betean sartu da giza katea sustatzeko kanpainan.