Besteak beste, otsailaren 7rako, larunbata, prestatu duten bertso-bazkaria Unai Iturriaga eta Onintza Enbeita bertsolariekin. Bazkariaren aurretik eta ondoren ere ondo pasatzeko aukera izango da Harrobian. Izan ere, egun osoko egitaraua osatu dute ikastolako lagunek.
Hitzordua 13:00ean ipini dute Harrobia plazan. Bertatik abiatuko da triki poteoa auzoan zehar Mariaren Bihotza plazan bukatzeko.
14:30ean hasiko dira bazkaltiarrak mahaiaren inguruan jesarri eta jan-edanean. Indabak edukiko dituzte bazkaltzeko, eta postrea, noski.
Bazkalostean, dantza baino hoberik ez dago triparatua ondo ligeritzeko. 18:00etan hasiko da horretarako erromeria.
Txartelak
Hainbat lekutan eskura daitezke 12 eurotan bertso-bazkarirako txartelak. Esaterako, Harrobia Ikastolan, Abusu Ikastolan, Urretxindorra Ikastolan, Bihotz Gaztea Ikastolan (Santurtzi), Betiko Ikastolan (Leioa), Eguzki Begi Ikastolan (Galdakao), Itxaropena Ikastolan (Trapaga) edota Zubi Zaharra Ikastolan (Balmaseda).
ibilaldia@ikastola.net