Ehunka lagun bildu dira gaur arratsaldean Arriagako plazan, atzoko bortxaketa saiakera salatzeko; haien artean, konpartsak; aurtengo txupinera eta pregoilaria, Oihana Pascual eta Gurutze Beitia; eta beste hainbat herritar.
Konpartsek azpimarratu dutenez, “emakumeok baliabide eta indarrak ditugu erasotzaileei aurre egiteko; autodefentsa baita baliabide hoberena”. Gogora ekarri dutenez, atzokoa ez da Aste Nagusiko eraso bakarra izan, eta beraz, argi daukate ez dutela “ez ohartuarena” egingo eta “jarrera aktiboa” izaten jarraituko dute.
Ondorioz, arratsaldeko elkarretaratzeaz gain, gaueko 00:00etan, txosnetan zehar, kazerolada egingo dute.
[2015-08-27] Sexu eraso berri baten aurrean, elkarretaratzea deitu dute konpartsek