Iparragirre katean
euskal herria bakean
Natxo Felipe euskaldun bila
gitarra bat besapean
sei hari tinko eskura
besterik ezer ez gura
kantu berritan zabalduko du
gure bihotzen estura
burdina eta ikatza
Aresti bizirik datza
haren arima nekatuari
eman hioen hik hatsa
egia eta ogia
zuen bion melodia
herritasunez beti sutua
bularreko karobia
gure kontzientzia zer da
kantu sotil baten berba
ez duk erraza zintzo kitatzen
hiri zor diagun zerga
Txomin Barullok badaki
zer den simaur zer den jaki
erdal hirian Natxo sortu zen
euskal kantuaren azti.
Koldo Izagirre, 2015-09-05