Segurtasun Saileko iturrien arabera, joan den igande gauean, 23:30ean, gertatu zen erasoa gizonezkoa bere bikotekide ohia bizi den etxera balkoitik sartu zenean ez hurbiltzeko epaileak ezarritako agindua apurtuz.
Abisua jaso ostean bertaratu ziren ertzainek ohe gainean topatu zuten emakumea, ustezko erasotzaileak indarrez eutsita, eta ahoa estalita.
Ertzaintzak genero-indarkeria, epailearen aginduaren urraketa, egoitzaren bortxatzea eta legez kanpoko atxiloketa delituak leporatu dizkio.
* Tratu txarren inguruko informazioa jasotzeko telefonoak 900 840 111 (EAEn) eta 016 (Estatu osoan) dira. 365 egunetan 24 ordutan doako zerbitzua ematen dute eta ez dute arrastorik uzten fakturan.