Txanpain botila baten burbuilen
harira mezu mardula:
mende erdidun bihurtu zaigu
erakundearen kupula
Berrogei ta hamar urteko sorta
ez da gauerdiko eztula
bizitzak ez du sarri luzatzen
hainbesterainoko bula
Baina luze ere ez zaizunez joan
bizitzaren pelikula
bihotz-bihotzez Guti opa bat
diezazukegu formula
gutxienean gaurdaino beste
prorrogatu dakizula
baina hori bai: gu guztiokin
ospatzerik dezazula