Inauterietan mozorroa jantzi eta kalean lagunartean gozatzea gustuko dute santutxutarrek. Eta asteburuan horixe egin dute, ondo baino hobeto pasatzeko gogo eta umorerik falta ez delako.
Atzoko mozorroen desfilean denetik ikusteko aukera izan zen: rokabiliak, mexikarrak, frutak, intsektuak, txotxongiloak, antinuklearrak, sovietarrak, bakeroak, indioak, Lantz herriko inauterietako pertsonaiak... ez zen ezer falta.
Iñigo Azkona argazkilaria kuadrillen artean ibili zen partaideei argazkiak egiten.