Bilboaldeko hainbat gizarte eragile biltzen dituen Maiatzak1Egin plataformak Langileen Nazioarteko Egunean antolatutako manifestaziora gerturatzera animatu ditu bilbotarrak.
Azkuna Zentroak antolatzen duen Bilboko Letren Nazioarteko Jaialdiaren urtemuga da, Gutun Zuriarena. Aurten, hamargarren edizioa izango du literatura-bilera honek, eta idazleek hitza hartuko dute, sorkuntzan eta arlo pertsonalean izandako esperientzietatik abiatuta, gaur egungo jendarteaz hausnarketa egiteko.
Euskal Museoa zinema-areto bihurtuko da, Gernikako bonbardaketa gogora ekartzeko, gertakariaren 80. urteurrenean. Gaur, Pedro Oleak zuzendutako Gernika, ahots salatzaileak (1979) film laburra ikusteko aukera izango da.
Ostiraletik astelehenera, apirilaren 28tik maiatzaren 1era, Elorrieta jaietan murgilduko da. Adin guztiei zuzendutako egitaraua prestatu dute eta musika eta festa giroa ez dira faltako.
Bost astez eskainiko dituzte Deustuibarrako Pabiloi 6n antzerki pieza laburrak Antzerki Laburreko 5. jardunaldien baitan. "Aniztasuna, kalitatezko testuak eta lantalde onak" aurkituko dituzte ikusleek.