Gaurko egunean Euskerazaleak Alkarteak bere 50. urteurrena ospatuko du Carlton hotelean. Lekua beren-beregi aukeratu dute elkartekideek. Izan ere, duela mende erdi bertan sinatu zen elkarteko sortze-agiria eta bertan batu ziren 200 bazkide Batzar Nagusian.
Ikerketa zientifiko berrienak izaten dituzte aipagai Pint of Science izeneko ekimenetan. Beti ere, partaideak era interesgarri eta dibertigarrian zientzia arloko aurrerapenak jendarteratzen saiatzen dira, publikoarentzat ulergarri izan daitezen. Eta ez da laborategi, mintegi edota unibertsitateetako aretoetan egiten den zerbait. Tabernetan baizik. Zientziak eta garagardoak bat egiten dute horrelakoetan.
Meatzaleak egitasmoaren baitan, maiatzeko hitzorduan, gaur Azkuna Zentroan, "Zer eta nola eraldatzen du arkitekturak? Zenbateraino bideratzen digu bizimodua?" galderei erantzungo diete Leire Milikua eta Ander Gortazarrek 19:00etatik aurrera. Leire Palaciosek zuzenduko du eztabaida.
Bilbon #BDS taldeek kontzentrazioa deitu dute gaur, astelehena, 19:00etan Arriaga plazan "Palestinaren aurkako genozidioa" salatzeko. #Nakba
Euskal Museoa zinema-areto bihurtuko da, Gernikako bonbardaketa gogora ekartzeko, gertakariaren 80. urteurrenean. Gaur, Pedro Oleak zuzendutako Gernika, ahots salatzaileak (1979) film laburra ikusteko aukera izango da.
Bost astez eskainiko dituzte Deustuibarrako Pabiloi 6n antzerki pieza laburrak Antzerki Laburreko 5. jardunaldien baitan. "Aniztasuna, kalitatezko testuak eta lantalde onak" aurkituko dituzte ikusleek.