Adierazpen askatasuna baino gehiago aldarrikatuko dute LGTB+ kolektiboetako kideek gaur, maiatzaren 17an. Besteak beste, bizitzeko eskubidea aldarrikatuko dute. Izan ere, adierazi dutenez, LGTB+fobiak "hiltzen gaitu". Bilboko Udalak, berriz, Izan. Maitatu. Eta kito kanpainarekin "mezu positibo bat aukeratu nahi izan du intolerantziari aurre egiteko".
Euskal Museoa zinema-areto bihurtuko da, Gernikako bonbardaketa gogora ekartzeko, gertakariaren 80. urteurrenean. Gaur, Pedro Oleak zuzendutako Gernika, ahots salatzaileak (1979) film laburra ikusteko aukera izango da.
Bost astez eskainiko dituzte Deustuibarrako Pabiloi 6n antzerki pieza laburrak Antzerki Laburreko 5. jardunaldien baitan. "Aniztasuna, kalitatezko testuak eta lantalde onak" aurkituko dituzte ikusleek.
Gaur hasiko diren Zurbaranbarriko jaiak antolatzen lan gogorra egin dute auzoko elkarteek, saltoki laguntzaileek eta bizilagunek. Apain eta dotore dago auzoa bost eguneko jaiak ospatzeko. Besteak beste, metro geltoki berriaren ingurua ere txukundu dute. Bertatik espero dute Bilboko beste auzoetako lagunak iristea.