Bego Altuna eta Laura Freijo deustuarrak Italian ikasten egon dira aurten. Bego Trenton egon da, Alpeen magalpean, eta Laurak Erroman ikasi du, "Hiri Eternalean", eta elkarrekin Italiaren gaineko bi begirada eskainiko dizkigute Müllerenean 19:30etik aurrera.
Isiltasuna, pankarta zuria, xingola beltza, Kale Dor Kayiko ijitoen elkarteko banderak eta elkartasun mezuak izan ziren nagusi atzo Zorrotzan, 500 bat lagunek babestu zuten auzoko taldeek deitutako manifestazioan. Ostiralean, ekainak 2, V de Vendetta pertsonaiak Udaletxea inguratzeko deia egin du "auzoak abandonatzeak hil egiten duela" salatzeko.
Garai honetan gertatu ohi den bezala, Benidorm kalea ibilgailuentzat itxita dago. Eguntotan autoen ordez, ondo pasatzeko eremua atondu du bertan Ibarrekolandako Jai Batzordeak. Dena prest dago arratsaldean jaiei hasiera emango dien suziria jaurtitzeko.
Egitarau oparoa dakar astebururako, tribial herrikoia, kale animazioa, lehiaketa gastronomikoak, kontzertuak eta ikuskizun eta emanaldi mordoa, auzoa dantzan ipintzeko modukoa.
Artista kanadarrak, Boscoren triptiko ezagunaren panel bakoitzarekin bat datozen hiru ekitalditan banatutako ballet koreografia sutsua eskainiko du.