Irailaren 7an, 19:00etan, David Lynchen Lost Highway proiektatuko dute BilbaoArten. Sarrera librea aretoa bete arte.
Eszenaratze original eta apartarekin Londresetik dator obra. Gaur 20:00etan lehenengo emanaldia eskainiko du Arriaga Antzokian eta irailaren 10era bitartean iraungo du.
Ondo pasatzeko aukera zabala izango da Olabeagako jaietan, ohi bezala. Ez dira faltako umeentzako jarduerak, lehiaketa gastronomikoak eta dantzan eta kantuan aritzeko ekitaldiak.
Irailaren 5etik 30era oinezko ibilbidea proposatuko zaie partaideei, Done Bikendi elizan abiatuta, XIX. mendearen hasierako Zamakolada jazo zen zenbait leku ezagutzeko. Bisitak doakoak izango dira eta ostiral arratsaldeetan bakarrik egingo dituzte euskaraz.
Auzotarren gogo eta grinari esker berreskuratu zituzten Arabellan auzoko jaiak. Ekinean jarraitzen dute urtez urte Arabellako bizilagun, elkarte, merkatari eta ostalariek. Mahatserriari bizi eta alai eusten.
Izan duen harrera ona dela medio, Euskalduna Jauregiak irailaren 7, 8 eta 9an ere Cabaret Chihuahua ikuskizuna eskainiko du.