Iratzar eta Hitz & Hitz fundazioak hitzaldia antolatu dute Kataluniak eta Euskal Herriak independentzia lortzeko egiten ari diren bidea aztertzeko. Bertan, Arnaldo Otegi eta Marti Caussak parte hartuko dute bide desberdinen inguruan hausnarketa eginez.
Akabu, Aneguria, Azken Trena eta Raust! taldeak dira Banden Lehiako 9. edizioko lau finalistak. Irabazleak disko bat grabatzeko eta BBK Livean jotzeko aukera izango du.
Larunbatean, Bilbok Fair Saturday ekimenaren edizio berria hartuko du. Antolatu diren ekimenen artean gaurko Zorba el Griego ikuskizuna eta biharko Obabakoak antzezlana daude. Black Friday egitasmoari aurre egiteko, ekintza kulturalak sustatzea xede du Fair Saturdayk.
Azaroaren 23tik abenduaren 3ra gauzatzekoa den 11 Egun Euskaraz ekimenean dagoeneko 707 pertsonak eman dute izena. Deustualdean euskararen erabilera sustatzea xede duen proiektua abian da eta jendearen partaidetza ezinbestekoa izango da.