Gaur, arratsaldeko 19:00etan Martin Ttipia Elkarteko Iñigo G. Larramendiren hitzaldia antolatu dute Somerako Alkartetxean. Euskal Herriko historia berreskuratzeko lan itzela egiten ari da Elkartea eta bertan emango duen hitzaldiak “Nafarroa, Euskal Estatua” titulua du. Hitzaldi erakargarri eta interesgarria egingo duela adierazi du Martin Ttipia Elkarteak, eta horrek Alkartetxearen ateak gizarteari irekitzeko aprobetxatutko dute. Beraz, diealdia irekia izango da eserlekuak bete arte.
Gotzon Barandiaranek (idazlea) eta Rafa Ruedak (musikaria) mintegi musikatua zuzenduko dute lau saiotan: martxoaren 5, 12, 19 eta 26an. Saio bakoitzak bi orduko iraupena izango du. Ikastaro-musikatu honek idazleek eta kantugileek gure herria zelan kantatu duten aztertuko du. Euskal kantagintzatik abiaturik, Rafa Rueda musikariak kantak joko ditu zuzenean Gotzon Barandiaran idazleak azalduko dituen gaien ildotik. Euskaldunok sortu dugun imajinarioa xede jarrita. Plaza mugatuak. Prezioa: 20 €. Lorazainak: 15€. Informazioa: www.loraldia.eus
Astelehenetan, Bizilabe tailerrera etorrita, nahi duzuna diseinatzeko eta nahi duzun proiektua edo ikerketa egiteko aukera izango duzu; zure laguntzaile izango dira zientzialari eta teknologo profesionalak. 12-14 urteko neska-mutilentzako da. Kuota arrunta: 15 €/ hiruhileko Familia ugaria: 10 €/hiruhileko Diru-sarrerak Bermatzeko Errenta: 4 €/hiruhileko
Martxoaren 8an emakumeen greba heldu aurretik hainbat ekintza prestatu dituzte greba eguna antolatzeko eta zabalpena emateko. Gaurtik aurrera hasiko dira grebari zabalpena ematen.
Gaurtik martxoaren 7ra arte Herri Unibertsitatea ekimena aurrera eramango dute EHUko Leioako kanpusean. Ikasle Mugimenduak antolatuta, hainbat jarduera prestatu dituzte hiru egun hauetarako.
Gaur, martxoak 5, 19:00etan Bilboko BBK Aretoan, Thinking Football Film Festival zinema eta futboleko jaialdiaren seigarren edizioa hasiko da.
Lau sormen-haizetara lelopean, martxoaren 5etik 26ra, 30 kultur hitzordutan sormena lau haizetara zabalduko dute Loraldia jaialdiaren laugarren edizioko 200 artista partaideek Bilboko 20 bat lekutan.