Loraldia jaialdiaren baitan, Xabier Amuriza bertsolari eta idazleak bere azken emaitza literarioaren aurkeztuko du: Neska bat leku inposiblean. Errealismo magiko moduko bat egin du Amurizak nobela berri honetan: errealismo osoz kontatzen du orain dela 50 urte (1968an) Zamorako apaiz-kartzelan preso zeudenek, ihes egiteko asmoz, eraiki zuten tunelaren historia; baina, aldi berean, elementu fantastiko bat eransten dio egileak: neska bat sartzen da ezkutuan, kanpotik kartzela barrura, zulogileei beren ihes ahaleginean laguntzera. Guztia, hizkuntza bizi, malgu eta adierazkor batez idatzia. Hitzordua, gaur, martxoak 6, Alde Zaharreko Elkar liburu-dendan 19:00etan izango da (Zamudioa ataria).
Auzoko elkarteak batzen dituen Uribarri Auzolanean plataformak erasoen aurkako protokoloa aktibatu du Matikon joan den asteburuan izan den eraso baten berri jakin bezain pronto. Gaur, asteartea, elkarretaratzea egingo dute.
Erronda kaleko Bira! tabernan, Bertso Erronda txapelketaren laugarren, eta azken, kanporaketa ospatuko da. Sei bertsolarik hartuko dute parte gaueko 20:00etan eta hortik irtengo dira azken finalistak.
Martxoaren 8an emakumeen greba heldu aurretik hainbat ekintza prestatu dituzte greba eguna antolatzeko eta zabalpena emateko. Gaurtik aurrera hasiko dira grebari zabalpena ematen.
Gaurtik martxoaren 7ra arte Herri Unibertsitatea ekimena aurrera eramango dute EHUko Leioako kanpusean. Ikasle Mugimenduak antolatuta, hainbat jarduera prestatu dituzte hiru egun hauetarako.
Gaur, martxoak 5, 19:00etan Bilboko BBK Aretoan, Thinking Football Film Festival zinema eta futboleko jaialdiaren seigarren edizioa hasiko da.
Lau sormen-haizetara lelopean, martxoaren 5etik 26ra, 30 kultur hitzordutan sormena lau haizetara zabalduko dute Loraldia jaialdiaren laugarren edizioko 200 artista partaideek Bilboko 20 bat lekutan.