Bilboko Aste Nagusia hasteko ordu gutxi falta direla, Bilboko Udalak eraso sexistei buruzko prebentzio eta sentsibilizazio-kanpaina berri bat aurkeztu du, Bilbo, jaietan ere, eraso sexistarik gabeko uri gisa sendotzeko.
Euskalduna jauregiak aurtengo Aste Nagusian Pabellon 6 antzerki-laborategiaren Chichinabo Cabaret lana eskainiko du. Langabezian dagoen gazte baten burmuinean sartuko dira cabaret antzezlanean eta Ugaitz Alegria eta Irene Bau aktoreek parte hartzen dute ikuskizun berezi honetan.
Bilboko Konpartsa guztiek egunero hainbat ekintza desberdin prestatu dituzte. Horien artean, gauak girotzen dituzten kontzertuak eta emanaldiak berezi behar dira. Bilboko Aste Nagusiko gauetan era guztietako musika entzuteko aukera egongo da.
Aurten ere, Casilda Iturrizar parkeko Pergolara itzuliko dira bilbainadak. Bertoko musika genero honen jatorria On Diego Lopez Harokoak uria fundatu zueneko garaian dago. Areatzan berriz, erromeriak izango dira gau guztietan.
Bizkaiko Metal eta Pop-rockeko taldeek lekua izaten jarraituko dute 2018ko Aste Nagusian Bilboko Udalak antolatzen duen Bertako Pop-rockaren Erakustaldiaren 33. edizioari esker. Guztira, Bizkaiko 16 taldek beteko dute Bilborock aretoa abuztuaren 18tik 25era. Egunean kontzertu bi egingo dira, 20:00etan eta 21:00etan, eta sarrera librea izango da aretoa bete arte.
Aste Nagusian, musika klasikoaren zaleek hitzordu bat daukate gauero Gizakunde Elizan 20:30ean arlo klasikoaren orkestra eta erritmorik onenekin. Abuztuaren 18tik 25era, Bilboko Udalak zortzi kontzertu programatu ditu, mundu osotik etorritako koru eta orkestrekin.
Go!azen taldearen kontzertua, Bali balearen kalejira, txikigunea, puzgarriak... etxeko txikiak Aste Nagusiaz gozatzeko ekintza mordoa prestatu dituzte.
Gauero-gauero, 22:30ean, su artifizialak ikusteko aukera egongo da; urtero ikusle gehien biltzen dituen ekitaldia da. Horrez gain, Euskal kulturako ekitaldiak jai gunean egongo dira dantzari, bertsolari, txistulari eta herri kiroletako partaideekin.
Bilboko Udalak 2018ko Aste Nagusiko kartela osatzen duten kontzertuak zeintzuk izango diren jakinarazi du. Horrela, bada, Rozalen, Hombres G, Go!azen, BOS + Ute Lumper, eta Adi Bilbao + Megastar + DJ Valdi arituko dira iragarritakoekin: Gatibu, David DeMaría, Bilboko Udal Banda + Doctor Deseo, La Pegatina, Santiago Auseron + Sexy Sadie, Skakeitan+ Vendetta, Maxima FM eta Sebastian Yatra.
Txikigunea benetako “Balioen Uri Txiki” bihurtuko da familientzat. Bilboko Udalak etxeko txikienek, 0 eta 12 urte bitartekoek, ikasten eta balioetan hezten diren bitartean jaietan ondo pasatzeko programa bat prestatu du.
Arriaga plazan eta Gaseko plazan izango dira ikuskizunak, abuztuaren 19tik 26ra. Saio bi izango dira Arriaga plazan (13:30ean eta 21:15ean) eta programatutako lanek 50 minutu iraungo dute, batez beste. Gaseko plazan, ostera, umeentzako ikuskizunak izango dira, egunero 19:30ean, abuztuaren 19an izan ezik, 20:00etan hasiko baita.
Abuztuaren 18tik 24ra bitartean, munduko hango eta hemengo zazpi konpainia ikusleen saria –herritarren bozketa bidez aukeratzen da- eta epaimahaiaren saria irabazteko lehian ibiliko dira.