Asteazkena, urriak 17

Brasil, eta orain zer?

Azken urte honetan Brasileko egoera politiko eta soziala nahiko gorabeheratsua izan da. Lularen espetxeratzea, abortoa ez onartzea, Marielle Franco ekintzaile feministaren erailketa, ustelkeria kasu desberdinak eta, orain, joan den urriaren 7an ospatutako hauteskundeen lehen biran Jair Bolsonaro ultraeskuindarraren garaipenarekin faxismoaren gorakada agerian geratuta. Brasileko egungo egoera aztertzeko eta herrialdearen berehalako etorkizunaz hausnartzeko, hurrengo urriaren 17an, asteazkean, 19.00etan Zirika! Herri Gunean gurekin edukiko dugu MST-ko kide Joâo Pompeu, gurekin azken gertaeren berrikuspena egin eta MST-ren egoera zehatzaz hausnartzeko.

Irakurleen Txokoa: Aingeru Epaltza Bidarten

Urriaren 17an 20:00etan Aingeru Epaltza izango dugu Bidarten. Mendi-joak (2017, Elkar) liburuari buruz berba egingo du Irakurleen Txokoan.

12:00

Har bati hitz egiten ari den aurpegi bat erakusketa

Rekalde Aretoak Ander Sagastiberri artista Bilbotarraren Har bati hitz egiten ari den aurpegi bat erakusketa aurkeztuko du. Formatu handiko hiru margolan eta formatu txikiko hogeita hemezortzi lan barnebiltzen ditu erakusketak.

13:03

19:03

Maria Benito artista zaldiabiartarraren lana Bilbon ikusgai

Abestu eta hitz egitearen artean erakusketa bihar, irailak 21, 19:30ean inauguratuko da eta urriaren 19ra arte ikusi ahal izango da zentroaren erakusketa Bilboarte aretoan.

20:00

20:00

Aferak bertso dinamika

Urriaren 4tik martxoaren 2ra bitartean Elorri bertso-eskolak eta Deustuko herriko tabernak antolatutako bertso dinamika. Saio "informalak" eta "dibertigarriak" izango dira. Urriaren 4an izango da lehen saioa. Mikel Aiartzaguena deustuarrak, Malen Amenabar, Aissa Intxausti eta Unai Mendibururekin batera abestuko du. "Aferen mundua" izango dute bertsotarako gaia. Hurrengo saioak urriaren 25ean, azaroaren 29an, abenduaren 20an eta otsailaren 7an izango dira. Betiere, ostegunetan, 20:00etatik aurrera, Herriko tabernan. Deustuko bertso-eskolako kide bat egongo da saio guztietan. Ekimenari martxoaren 2an emango diote amaiera bertso-bazkariarekin.