Gosariarekin batera hasiko dute eguna, Aski Du taldearen musikak lagunduta. Bazkaldu aurretik elektrotxaranga eta jolasak egingo dituzte, eta ondoren, ekitaldia eta bingo musikatua. Amaitzeko, Kare eta Silicies Grizzliesen kontzertuak eta DJ Papiro izango dira Gazte Lokalean.
Duela 22 urte sortu arren, urte asko desagertuta eman ditu Kiskitinak Arangoitiko talde feministak. Egun, auzoko emakume batzuen artean taldea berriz aktibatzea lortu dute, eta ospatzeko, larunbat honetan 'Kiski Eguna' antolatu dute.
Programak “Arty Walks” jarduera jasoko du aurten ere, auzoaren eraldaketa zuzenean ezagutzeko eta arte eta sorkuntza espazioen arduradunekin elkarrekintzan aritzeko; ekainaren 7an eta 8an izango da.
Gaur bertan abiatuko dira auzoko jaiak Xatiro eta rap abeslariekin. Astean zehar Ze Esatek!, Bad Sound edo Habana 537 taldeek ere pasatuko dira auzoko eszenatokitik. Horrez gain, Punk taldeak, Flamenko kontzertuak eta Mariatxien ikuskizunak egongo dira.