Irailaren 16an 47 euskal herritar epaituak izango dira, horien artean 4 deustuar. Bidegabekeri hau salatzeko dei egiten diegu Deustuko jendarteari, eragile zein norbanakoei, ekainaren 23an Done Petrin egingo dugun agerraldira gerturatzeko.
Joan den asteburuan Abusuko bizilagunak joan den asteburuan ospatu zuten Arrautza Eguna eta Sanjoan gaua. Ostiral honetan egingo dute kuadrillen desfilea, txosnak ireki eta asteburu osoko jaiei hasiera emateko. Ekainaren 28an, ostiralean bertan, Abusu Rock ospatuko dute, inguruko musika taldeen emanaldiekin. Hurrengo egunean paella eta sardina janak izango dira protagonista egunean zehar, eta gauean elektrotxarangak, orkestak eta mariatxiak. Igandean, marmitako, tortilla eta postre lehiaketaren txanda izango da, bai eta entzierro eta alardearena ere.
Ekainaren 24tik 28ra gazteentzako zientzia-tailerrak izango dira Bizilaberen Deustuko egoitzan. Ikasturte-amaieran, ekainaren azken astean, 2 tailer izango dira: 1. tailerra • IZENBURUA: Naturarekin jolasean; goazen ibaia ezagutzera! • ORDUTEGIA: 9:30-11:00 2. tailerra • IZENBURUA: Sukalderako asmakuntzak • ORDUTEGIA: 11:30-13:00 Ezaugarri nagusiak: DATA: ekainaren 24tik 28ra LEKUA: Deustuko Udaltegiko Bizilabe gunea. Agirre lehendakaria, 42 ADINA: 12-15 urte PREZIOA: Kuota arrunta: 15 €/ tailer - Familia ugaria: 10 €/tailer - Diru-sarrerak Bermatzeko Errenta: 4 €/tailer. Bilbon erroldatuta egotea hobetsiko da. Izen-ematea eta leku-kopurua: 2019ko ekainaren 14 bitartean. Izena emateko formularioa Bizilaberen webgunean.