Urriaren 11an Txikitero Eguna ospatuko du Kantagintzak Deustun. 19:30etik poteoa abiatuko dute Done Petrin txistulariekin batera, animatu!
Adierazpena: Aurreko astean Lenin Morenoren gobernuak hainbat neurri ekonomiko neoliberal dekretatu zituen, NDFrekin (Nazioarteko Diru Funtsarekin) sinatutako hitzarmenaren eskakizunei erantzun eta enpresa-ekonomia suspertu nahian, Ekuadorreko herriaren kaltetan. Neurri horien artean, erregaiaren gaineko subsidioaren ezabapena dago, baita garraioaren garestitzea ere. Eta azken horrekin batera, kontsumorako produktuen prezio-igoera eta langileriaren eskubideen murrizketa zein galera. Halaber, neurriok meatze-proiektuen zein proiektu estraktibisten jarraipena zein bultzada eragingo lukete indigenen lurraldeetan. Gauzak honela, milaka ekuadortar kalera atera dira, gobernuaz gogaituta. Gobernuak haien subiranotasuna saldu baitu, NDFren interesen truke; aurreko hamarkadetan haien herria miseriara, txirotasunera eta exodo masibora kondenatu zuen NDFren interesen truke, hain zuzen. Herritarren, indigenen, sindikatuen, ikasleen, emakumeen, erretiratuen eta funtzionarioen mobilizazioa eta lan-etenaldia beharrezkoa eta zilegia da. Horregatik, gure babesa eta indarra helarazi nahiko genieke Euskal Herritik. Eta protesta egunotan haurkide ekuadortarren kontra errepresio eta neurrigabeko indarkeria erabiltzen ari den Ekuadorreko gobernuari, gure gaitzespen osoa. 600 lagun baino gehiago dira atxilotutakoak, 9 eraildako (datu ofizialen arabera) eta ehunka zauritu eta desagertu. Deialdia egin nahi diegu mugimendu sozialei, kolektiboei, Giza Eskubideen defentsarako erakundeei, sindikatuei eta feministei, komunikatu honetara gehitu daitezen. Eta Ekuadorreko herriari gure elkartasuna erakusteko, ostiral honetan (urriak 11) Bilboko Arriaga enparantzan 18:30ean egingo den elkarretaratzera gonbidatzen zaituztegu. Ekuador Erresistentzian! Concentración en solidaridad con el pueblo ecuatoriano se realizará este próximo viernes 11 de octubre a las 18:30 en la Plaza Arriaga de #Bilbao. #ParoEnEcuador #EcuadorEnResistencia @Komiteak @CONAIE_Ecuador @feministalde pic.twitter.com/ITGw1htDrE — Ecuador Etxea (@EcuadorEtxea) October 9, 2019
Urriaren 11an Errondoko Auzo Etxeko talde guztiak elkartuko gara proiektu eta espazio komun hau aurkeztu eta gure jardunaren berri emateko. Kontzertuak eta pintxoak ere izango ditugu!Adreiluz adreilu autogestioa eraikitzen
Ostiralean, urriak 11, Santutxuko Egunkaria Plazatik abiatuko da Sarek deitutako manifestazioa. Euskeria abesbatzak deialdiarekin bat egingo du, euskal preso, deportatu eta iheslariak etxeratzearen alde.
Atzo zabaldu zen 'Euskaldunak Kalifornian-Basques in California' erakusketa Euskal Museoan. Azaroaren 3ra arte bisitatzeko aukera egongo da.
Ostiral honetan, urriak 4, Tantaka TV-k antolatutako ikastaroaren beste saio bat emango dute Zirika! herrigunean. Oraingoan sare sozialak komunikabide tresna gisa izango dituzte aztergai. Larunbatean, aldiz, Iñaki Makazaga kazetariak "Nola bihurtu politikoa dena engantxatzen duten istorioetan" tailerra emango du. Urriaren 26ra bitartean emango dituzte Tantaka TV-ko kideek ikastaroarekin lotutako saioak, ostiral eta larunbatetan. Ikastaro guztiak dohainik dira, eta info@tantaka.tv helbidean izena eman behar da.
Alkarbizitzearen gaia jorratzen daben lau film emongo ditue Bilboko Azkuna Zentroan.
Urriak 11 Txikiteroen Eguna da. Tradizioari eusteko hainbat ekitaldi antolatu dituzte egunotan Bilbo osoan zehar.