Azaroaren 30ean, larunbata, gazteentzako saskibaloi eta futbito txapelketa mixtoa antolatu du San Inazioko Gazte Asanbladak. Lehiaketa Ibarrekolandako Institutuan egingo da eta kirol partidez gain musika, janaria eta sariak ere egongo dira. Izena eman nahi duenak korreo eletronikoz egin beharko du, sanigazte@gmail.com helbidera taldearen kolorea eta partaide kopurua bidalita.
Azaroaren 14tik abenduaren 19ra, ostegunetan, 18:00-19:30, Deustuko Udaltegian, ginkana zientifiko bat prestatzeko tailerra. Ostegunetan, 18:00-19:30, 2019ko azaroaren 14tik abenduaren 19ra izango dira, eta izena emateko epea azaroaren 7an amaituko da. Tailer honetan ginkana zientifiko bat prestatuko da denon artean. Horretarako, sormenaren bidez, hainbat desafiori egin beharko zaie aurre eta oinarri zientifiko-teknologikoak barneratuko dira. Iizena emateko formularioa 'bizilabe.elhuyar.eus/eu/bizilabe-bilbo' webgunean dago.
Azaroaren 28tik abenduaren 5era arte egongo da irekita izotz pista 'ekologikoa'. Berrikuntza gisa, aurtengoak tamaina bikoitza izango du, 800 metro karratu.
Black Friday egunari aurre egiteko sortu zuten 2014. urtean Fair Saturday ekimena. Irekiera ekitaldia gaur bertan egingo dute Bilbao Arena pabiloian 1000 artista baino gehiagorekin. Bilbon ez ezik, nazioarteko beste 180 hiritan ere ospatuko dute azaroko azken asteburu honetan "bidezko larunbata".
Euskararen egunaren harira 7Katu gaztetxean bertso afaria antolatu dute azaroaren 29an, ostirala gaueko 21:30ean. Bertsolari gonbidatuak Malen Amenabar, Ander Anakabe eta Maite Sarasola izango dira. Afariko tiketak Errondabide tabernan egongo dira salgai azaroaren 28ra arte.