Bihar, otsailaren 20a, osteguna, arratsaldeko 19:00etan Irati Agirreazkuenagak eta Arantzazu Sanzek antzeztutako Edipo eta Yokasta ikuskizuna izango da Euskaltzaindian eta ostean, 20:00etan, Zazpi Katu Gaztetxean 'Baubo' antzerkia, Beatriz Egizabalen eskutik. Asteko emanaldiekin amaitzeko, Ane Zabalak eta Galder Perezek antzeztutako ETAren agiri bulegoa aurkeztuko dute Bira Kultur Gunean gaueko 21:00etan.
Zortzigarren bira martxan du dagoeneko Garilak 26 taldeak. Ostegunean gaueko 22:00etan Bilboko Kafe Antzokian emanaldi berezia eskainiko dute euskal musikari ezberdinekin batera. Gonbidatuen artean, Esne Beltzako Xabi Solano, Revolta Permanenteko Iker Villa eta Iker Aginaga, Iñigito Txapelpunk eta Gatibu taldeko Haimar Arejita eta Gaizka Salazar igoko dira oholtza gainera.