Presazko mobilizazioa deitu du Santutxuko Sarek: "ADI!!! GERTAERA LATZAren AURREAN. Gaur, EGUNKARI PLAZAN, arratsaldeko 19:00an gertaera salatzeko izango den ELKARRETARATZEAn parte hartzeko dei egiten zaitugu. ️Audientzia Nazionalak kartzelara itzuliarazi du Izadiren aita ere, «Barkamenik eskatu ez duelako» Iñigo Gutierrez Izadiren aita ere espetxera itzultzera behartu dute, aho batez hirugarren gradua jaso eta hiru aste eskasera. Kasuak bi astungarri ditu: neskatoa aitarik eta amarik gabe kalean geratzeaz gain, Gutierrezi bost hilabete geratzen zaizkio kondena bukatzeko".
Bidebarrieta kulturguneak Eztabaidak literaturarekin zikloaren hitzordu berria ospatuko du otsailaren 15ean 19:00etan. Thrilerra izango du ardatz eta, Mikel Santiago eta Ibon Martin eleberri idazleek eta Alicia San Juan kazteriak gai hauek jorratuko dituzte: generoan politikoki zuzena dena inposatu ote den, serieko hiltzailearen figura zaharkitua ote dagoen eta distopia momentuko gaia ote den. Sarrera doakoa eta librea izango da, leku guztiak bete arte.
BERTSO ERRONDA 2022! 5 urte, 5 kanporaketa, 20 bertsolari Otsailak 15, asteartea, Adaxkan (19:30): - Enare Muniategi - Ander Ucelay - Eire Salegi - Josu Ibarguren
Eider Rodriguez Eraikuntzarako materiala nobelaz hitz egingo du Katixa Agirre idazlearekin. Sarrera librea DARABILBOrekin elkarlanean
Izaskun Araluzea deustuarraren Clementina marrazki erakusketa ikusgai egongo da urtarrilaren 25etik martxoaren 27ra arte Rekalde Aretoan. Bizkaiko Foru Aldundiaren sorkuntza beka jaso duten artista hautatuen lana erakusteko Barriek programaren baitan, Urtzi Urkixo bilbotarrari hartuko dio lekukoa. Rekalde Aretoa Errekalde zumarkaleko 30. zenbakian dago, eta ordutegia honako hau da: asteartetik larunbatera, goizez 10:00etatik 14:00etara eta arratsaldez 17:00etatik 20:30era; igandeetan, berriz, goizez bakarrik (10:00-14:00).
Aire Galeriak Iñaki Imazen Alimentación, lencería, bazar erakusketa hartuko du otsailaren 12tik (larunbata) apirilaren 24ra arte. 12:00etan izango da inaugurazioa. San Mames zumarkaleko 11. zenbakian dagoen Zollo etxartean dago Aire Galeria, eta ordutegia honako hau da: asteartetik ostiralera, 17:00etatik 19:30era.