BERRIA egunkariak 10 urte beteko ditu ekainaren 21ean. “Hamarnaka kontatzekoak gara” lelopean 32 kultur ekitaldi antolatu dituzte datozen hiru hilabeteetan, urteurrena ospatzeko. Apirilaren 12an hasi eta ekainaren 15a bitartean egingo dituzte ekitaldiok. Amaiera festa ekainaren 22an izango da, Andoaingo Martin Ugalde Kultur Parkean.
BERRIAk hamar urte egingo ditu eta ospatu egin nahi du. Ospatu nahi du bertako langileekin, kolaboratzaileekin, irakurleekin BERRIAlagunekin, proiektua bideragarri izan dadin dirua jartzen dutenekin… Guztiei eskerrak eman nahi dizkie, haiekin egon nahi du, eta aurrera egiteko haien sostengua behar duela esan nahi die.
32 kultur ekitaldi antolatu dira; denek eskema bera izango dute: Zertan ari da BERRIA? aurkezpena, BERRIAk hamar urte bideoa eta kultur ekitaldia. Estraineko ekitaldia Errenterian egingo dute, apirilaren 12an. Egun horretan estreinatuko da Metrokoadroka sormen laborategiak BERRIAren hamargarren urteurrenerako enkarguz prestatu duen antzezlana: Zertarako hegoak.
Bilboko kultur ekitaldiak
Apirilak 27: Bazkaria, Hor Dago! Abante konpartsak 20 urte, BERRIAk 10 urte
Maiatzak 23: Igelaren banda
INFO + BERRIA