PREST! aldizkariak beste 20 urte iraun ditzan lagundu nahi? Egin zaitez babesle!

20 urte igaro dira jada Deustualdeko PREST! aldizkaria jaio zenetik, deustuar askoren lanari eta babesari esker urtez urte zabaltzen eta handitzen joan den herri aldizkaria.

Urtemugak luzatu digun erronka ez da makala: beste 20 urtez Deustualdea euskalduntzea, tokiko informazioa euskaraz zabaltzea eta herriko sarea ehuntzen jarraitzea.

Horretarako irakurleen eta deustuar ororen laguntza ezinbestekoa da. Zure ekarpenari esker beste 20 urte irauten lagunduko diguzu, eta, gainera, 20. urteurreneko lamina jasoko duzu opari!

*OHARRA: Datorren urtetik aurrera PREST! eta BERBAIZUren babesle kuotak bateratuko ditugu. Helburua elkartearen egoera ekonomikoa egonkortzea eta autonomia handitzea da. Soilik era honetan lortuko dugu PREST! aldizkariak eta BERBAIZU Euskara Elkarteak luzaroan irautea.

  • 2021ean 25 euroko kuota kobratuko du PREST!ek
  • 2022tik aurrera hiru aukera eskainiko ditugu: 30€ gazte/langabe/prekario; 60€ kuota arrunta; 75€ familia

Babesleek hilero jasoko dute PREST! paperean eta digitalean, deskontuak izango dituzte Berbaizuren zerbitzuetan, errenta aitorpenean zerga-aringarriak izango dituzte eta hainbat zozketetan parte hartzeko aukera izango dute.

Aldez aurretik zure babesa eskertu nahi dizugu irakurle zaren aldetik zu ere PREST!en parte zarelako.

PREST! aldizkariko lantaldea

---

Informazio gehiagorako:

  • prestharpide@gmail.com / bilbokoaldizkariak@gmail.com
  • 944.471.042
  • Ramon y Cajal 42 - behea  / 48014 - Deustu