Bihar asteartea arratsaldeko 19:30ean La Bolsan mahai ingurua izango dugu, arratsaldeko 19:30ean, non alorreko zenbait lagunek beren gogoeta plazaratuko duten. Hala nola, Alicia Otxandategi programatzaile bezala; Ane Zabala ikusle eta antzezle gisa; Agus Perez ikusle moduan; Mikel Martinez profesional bezala; eta Josu Torre antzerkizalea solasaren gidari moduan. Mahai inguruaren ondoren, Badut Klown taldekoek beren hausnarketa berezia egingo dute bertan entzundakoaz.
‘Bilbo, antzerkia eta euskara’ mahai ingurua La Bolsan
2014ko urr. 13a, 16:39
Gorbeiara ihes egiteko bere gutiziari eutsirik, Arestik Bilbo erdaldunean geratzeko deliberoa hartu zuen. Berak utzitako testigua hartu nahian, EHAZEk Bilbon ospatzea erabaki du aurtengo ANTZERKIZALE EGUNA. Euskal antzerkiaren jaia Bizkaiko hiriburuan egingo dugu, bertan euskarak protagonista papera bete dezan eta, aldi berean, bigarreneko rolean egin dituen agerpen duinak ere aldarrikatzeko.