Natura maite duena dabil
askotan hemendik hara
animaliak libertatean
ezagutzeko parada
aurten ere bai hura buruan
bidai luzea prepara
orangutanak ikusi nahian
joan gara oporretara
Nahikotxo eskas baina oraindik
gelditzen zaie oihana
bertako zuhaitz erraldoietan
bizi da orangutana
gauero kabi berria egin
eta fruta asko jana
guk be antzeko egiten dugu
eta deitzen diogo lana
Emeek dute lana bikoitza
birentzako du beharra
bere kumea zaindu behar du
oso pasota da arra
eta ezkerrak erditzen du(e)la
bakoitzean kume bakarra
zortzi bat urte hura hezitzen
ez al da karga ederra?
Arra izanda "status quo"
beti defendatzeko prest
"aizu, zu jeitsi ni igotzeko"
ta berak orroka "ezetz"
tximinoak ere portatzen dira
ia gizakumeak lez
batak ematen zuen Rajoy ta
bestea ziur zen Sanchez
Beraz, laburtuz esango dizuet
ondo, gustora, dotore
oragutanaz gain ere zegoen
beste fauna eta lore
ugariena eltxoa denez
gaitz askotxoren bektore
beldurti dena dokumentalak
igoal telebistan hobe
Deustu