Gaur izango da lehen saioa, Bilboko Kafe Antzokian, eta bertan, Xabier Landabidea ‘Euskaldunok eta Telebista: potentzialtasunak eta errealitateak XXI. mendean’ goiburupean, telebistaren inguruan arituko da. Hurrengo egunean, ekainaren 11n 11:30ean, Jesus Ibañez EHUKo irakasleari egokituko zaio espioitzari buruzko hitzaldia. Egun berean, arratsaldeko 16:30ean, Uxue Alberdik bertsolaritzan gorputzak zein gorpuzkerak duen garrantzia aztertuko du.
Ekaineko azken astean, berriz, Marijo Imaz eta Joseba Azkarraga izango ditugu hizlari. Marijo, ekainaren 24ean, asteartea, arratsaldeko 18:30ean elikadura burujabetzari buruz jardungo da eta Josebak, ekainaren 25ean, 14:15ean, herrigintza berria izango du hizpide.
Hitzaldi bakoitzaren ostean solasaldi giroko eztabaidei bide emango zaie, partehartzaileek euren iritziak edo zalantzak azaltzeko aukera izan dezaten.