Gaur goizean geratu da aske Luis Angel Galarza Valencia III espetxetik atera eta gero. Bertan zain izan ditu senide, lagun zein gertukoak eta besarkada artean jaso dute. Orain Bilborako bide hartu du eta 20:00etan auzokideen harrera jasoko du lehenik, Zamudioko atarian eta ondoren Bilbo Zaharrean.
1992ko martxoan atxilotu zuten Ignacio Recarte Ibarrarekin batera Deustun. Biei urte bereko otsailaren 19an Santanderren kotxe batean jarritako lehergailu batekin hiru pertsona hil izana leporatzen zieten.
25 urte espetxean eman eta gero gaur bueltatuko da Alde Zaharrera.