Ez dute proiektu itxi bat garatu nahi, "zabal eta bizia" baizik. Baigorri eskualdea Euskal Herri osoko bizilagun eta egistamoekin sarean jarriko duena, "baita euskal diaspora osoarekin ere".
Proiektua gauzatzeko Baigorriko Etxauzia gaztelua erosi nahi dute elkarteko lagunek. Ildo horretan, erosketa horretan parte hartuko duten "bizilagun bila" ari dira. 'Bizilagun' dira Etxauzia proiektuan ekarpena egiten duten herritarrak, proiektuaren berri entzutera hurbiltzen diren guztiak eta Etxauzia elkartearekin elkarlanean proiektuak egin nahi dituztenak.
Hainbat lekutan proiektuaren berri eman eta gero, gaur, hilak 20, Erronda kaleko Biba kulturgunean izango dira 19:30ean Etxauzia, Nafartarren Etxea Elkartea aurkezten bilbotarrei. "Giro atsegin batean, egiten ari garena azaldu nahi dizuegu, eta zuek izan ditzakezuen ekarpenak entzun", diote elkartetik.
Aurkezpenean, "ezerk huts egin ez dezan", Behe Nafarroako produktuekin osatutako aperitifa eta Aire Ahizpen kantaldia ere prestatu dituzte.
