Agerraldia egin dute ‘Aldatu gidoia euskararen alde’ egitasmoko Intza Gurrutxaga eta Mikel Elortxa ordezkariek Eusko Legebiltzarreko Kultura, Euskara eta Kirol Batzordean. Horretan, Eusko Jaurlaritza eta EiTBren kultura eta ikus-entzunezko politikak errotik aldatzearen aldeko kanpaina aurkeztu dute.
Irailaren 9an abiatutako ekimenean parte hartzen duten eragileek euskararen eta euskaldunon hizkuntza eskubideen alde erabakiak hartzeko eskatzen diote Eusko Jaurlaritzari; hain zuzen, kultura eta ikus-entzunezkoen politikak errotik aldatzeko eta euskara eta euskarazko kultura erdigunean jartzeko.
Izan ere, haien aburuz, kulturak eta ikus-entzunezkoek “berebiziko garrantzia dute gizartearen kohesioan eta bizikidetzan. Horregatik, erakundeetatik egiten diren kultura politikek honako ezaugarri hauek izan behar dituztela aldarrikatu dute: Balore hezitzaile eta eraldatzaileak sustatzea, eskubideetan eta demokrazian sakontzea eta euskara biziberritzeko helburua.
Plataformak eta pantailak, gaztelaniaz
2022an UEMAko udalerrietan egindako azterketaren emaitzek dioten arabera, euskarazko ikus-entzunezkoen kontsumoa oso urria da; eskaintzarik ez dagoelako, izan ere. Gehien kontsumitutako plataformetan euskara ia ez da agertu ere egiten, eta eduki ikusienak ez daude euskaraz.
Hori horrela, grafikoen arabera, ikasleen % 73,2ak gaztelaniaz kontsumitu du ikusitako azken telesaila; soilik, % 10,6ak euskaraz. Nahiz eta, UEMAko udalerrietan, biztanleriaren % 70 euskalduna izan.
31 eragileren babesarekin abian dugu #AldatuGidoia kanpaina! EJri eta #EiTB|ri eskatzen diogu kultura eta ikus-entzunezko politikak errotik aldatzeko. #ErdiguneraEuskara
— Aldatu Gidoia (@AldatuGidoia) September 11, 2023
Sinatzeko lotura: https://t.co/XbmCbxl4Sn
Telegram kanala: https://t.co/DwvgNTrRa3
Maiatzak 18 • Gasteiz pic.twitter.com/TuRhwXx9a4