Umore grafikoaren semantika eta mekanismoak aztertuko dituen tailer honen helburuak hauexek dira:
- Umore grafikoaren amaierako arteen sorkuntza metodora hurreratzea.
- Beharrezko kontzeptu-tresnak eskuratzea, umore grafikoaren piezak gertatzeko.
-
Interesa elikatzea, binetak egiteko.
Hona hemen tailerraren gidoia:
- Zer den umorea. Umorea pinturan, zinegintzan, antzertian, publizitatean eta irratian. Umorearen eginkizunak. Umorearen historia.
-
Umorea egunerokoetan eta aldizkarietan (umore grafikoa). Karikaturak eta umore grafikoa. Egiteko ta hedabidera bidaltzeko epea. Euskal eta bizkaitar umoregile grafikoak.
-
Umore grafikoa gizarte-sareetan: umore grafikoa marrazki barik.
-
Umore grafikoaren joskera: bineta, komiki-banda, bunbuiloa, epigrafea eta abar. Bineta egiteko modua: markoa, arkatza, tinta txinatarra, kolorea, Photoshopa eta abar.
-
Bineta bat ikasleek egitea.
-
Eztabaida: Ba ote du mugarik umoreak? Charlie Hebdo kasua.
Metodologia aldetik, beharrezkoa izango da arkatzekin, kolore-arkatzekin, borragomarekin eta paperarekin joatea. Erakusketa teoriko laburra egingo da proiektagailu baten bidez, eta, ondorik, ahaleginak egingo dira ikasleen partaidetza sustatzeko. Horretarako, lana taldean egingo da bineta eta komiki-bandei buruz, marrazketaren adierazkortasunari buruz, ildo zinetikoei buruz, zirkuluei buruz eta abar. Aurrekoaz gainera, tailerra dinamizatuko da, Javier eskutik karikaturarantz hurreratzeko.
Tailerra Asierrek & Javierrek gidatuko dute. Elebiduna izango da (euskaraz eta gazteleraz, aldi berean) eta irailaren 22an eta 29an izango da (asteartetan), 18:00etatik 20:00etara, Foru Liburutegiaren 5. solairuko Tailerren Gelan.
Doako jarduera izango da. Izena emateko epea irailaren 7tik 18ra arte Liburutegian bertan, telefonoz edo posta elektronikoz (gehienez: 20 pertsona, hurrenkeraz).
Foru Liburutegira sartu ahal izateko NANa, pasaportea edota Liburutegiko Txartela erakutsi behar da sarreran.