Fuente Ovejuna Sevillako Antzerki Ikerketarako TNT Nazioarteko Zentro ospetsuaren ekoizpena da. Lana Pepa Gamboak zuzentzen du, La casa de Bernarda Alba lan hartan ere El Vacieko emakume taldearen buru izan zena, hain zuzen ere, eta orduan ere ikusi ahal izan genuen bezala, muntaketa honen bitartez berriro ere agerian geratzen da bestelako antzerkia posible dela egitea, aurreiritzi guztiak hankaz gora jarriz. Ez dugulako ahaztu behar, Sevillako El Vacie ijito-kolektiboko kide diren emakume horiek ez zekitela zer zen antzerkia TNT Zentrora heldu arte, eta antzezlan batean parte hartzea burutik pasatu ere ez zitzaiela egin. Fuente Ovejuna lanarekin berriro ere agertokira dakarte euren ahotsa, ikus-entzuleei antzerki ikuskizun bikaina eskaintzeko.
Lanari dagokionez
Fuente Ovejuna (1619) Lope de Vegaren antzezlan barrokoa da. Bertan, herritarrak bidegabekeriaren eta agintarien gehiekerien aurka altxatzen dira. Altxamenduak hilketa ekarri zuen, baina ikerlariak erantzun bakarra lortu zuen herritarren ahoetatik: «Fuente Ovejunak egin zuen». Portaera zoragarri horren ondorioz ikerketarekin ez jarraitzea erabaki zuen, herritarren mendekua bidezkotzat joz. Gaur, ia 400 urte geroago, gizarte desberdintasunen garaipen latzak erabateko gaurkotasuna ematen dio testu honi.
Ikuskizunerako sarrerak 6,50 eta 21 euro artean eros daitezke www.teatroarriaga.com helbidean, 946 850 850 telefonoaren bitartez edo antzokiko txarteldegietan, aurretiazko salmenta ordutegian.