Tailer hauetan parte hartzeko aurretiaz izena eman behar da ikusietaikasi.net helbidean.
Bihar, otsailak 3, Begoñako udaltegian Puski eta Txurruski pailazoek zirku ikuskizuna eskainko dute, 18:00etan. Beraien umore eta inprobisazio abileziak erakutsiz, Puski eta Txurruski pailazoek jaia salbatuko dute.
11. Ikusi eta Ikasi
2 eta 8 urte bitarteko umeei eta euren gurasoei zuzendutako kultura zirkutitua da 'Ikusi eta Ikasi'. Guztira, 51 ekintza izango ditu. "Oso egitarau trinkoa eta intentsitate handikoa" izango dituela aurreratu du Euskaltzaleen Topaguneko Aritza Escandon programatzaileak.
Aurtengo apostu "garrantzitsua" Jolasen Txokoari "buelta batzuk ematea izan da". Horrela Jolasen Txokoan haurrek eta gurasoek elkarrekin olgetan egiteko tailer ugari izango dituzte aukeran. 18 tailer guztira. Txoko hau "klasiko" bihurtu da Escandonen arabera, eta "kristoren tamaina hartu du".
"Beharra ere badelako", guraso erdaldunentzako sentsibilizazio tailerrak eskaintzen jarraituko du 11. edizioan ere Ikusi eta Ikasik.
Programa urtarrilaren 19an hasi zen eta martxoaren 26an bukatuko da. Nobedade gisa, aurten izen ematea internet bidez egingo da (http://ikusietaikasi.net/tailerrak/). Aisialdia, kultura eta hezkuntza uztartuko dituzten 30 jarduera baino gehiago garatuko dira hurrengo leku hauetan: Begoñako, Deustuko, Basurtuko, Errekaldeko eta Kastañoseko Udaltegietan, Indautxuko Karmen eta Bilborock Aretoetan, eta Tiboli eta Zamakola eskoletan.
[2015/01/15] 11. 'Ikusi eta ikasi' programak musikoterapia eskainiko du berrikuntza gisa