Leviathan familia giroko drama sozialak Urrezko Globo bat eta Canneseko zinema jaialdikogidoi onenaren garaikurra eskuratu zituen iaz, besteak beste; Oskarretarako eta BAFTA sarietako ere proposatu zuten, gainera.
Errusia iparraldeko Barents itsasoaren ertzean dagoen herri txiki batean bizi da Kolia mekanikoa emazte eta semearekin. Herriko alkateak, baina, etxea eta tailerra eskuratu nahiko ditu, eta Koliak berea denaren alde borroka egin beharko du. Argazki zoragarria eta istorio indartsua ditu lanak.
Bada, filma Bilboko Fas Cineclubean aurkeztuko dute gaur, urriak 20. Kristina Zorita izango da gonbidatua, ETBko kazetari eta zineman aditua. Saioa 19:45ean abiatuko dute, eta sarrerak 5 euro balioko ditu; 3 euro langabetu eta ikasleentzat.
Maialen Goñi
Zinea.eus-etik hartutako albistea