Ikastaroaren bidez, laguntza eman nahi da jendarte garaikideetan ekoizpen artistikoaren arloan gertatzen denari buruzko jakintza kritikoak ezagutzera emateko, ikuspegi feministetatik abiatuta.
Jakintza kritiko guztiak bezala, XX. mende erdialdetik eraikitzen ari den jakintza feminista deserosoa da. Deserosoa da ekoizpen artistikoko arloen mistifikazioa salatzen duelako, arlo horien egitura sexistak agerian jartzen dituelako, sexuak, etnizitateak, arrazak eta jendarte-mailak haiengan duten eragina aztertzen duelako, artistak sexuko harreman sozialen bilbean kokatu eta onarpen desberdinen arrazoiak ulertzeko bidea argitzen duelako, arteari buruz androzentriko eta etnozentrikoki lerratuak diren kontakizunak –irakaskuntzako maila guztietan– bortxaz ezartzen direla salatzen duelako, eta ideatikoki aratz eta garbiak diren ekoizpen artistikoko arlo batzuei buruzko sinismen faltsuei aurre egiten dielako
Ikastaroak, alde batetik, ikertzaile feministek sexista ez den jakintza eraikitzen jarraitzeko aurre egin beharreko arazo historikoak, teorikoak eta politikoak lantzen ditu, eta, bestetik, ‘arte’ instituzioaren alde guztiak zalantzan jartzen dituzten praktika artistikoak aztertzen ditu, desberdintasun sexualaren irudikapen nagusien kritika nabarmenduta.
‘Ikuspegi feministak produkzio artistikoetan eta artearen teorietan’ ikastaroa
Ostirala, urriak 24
16:00 Dokumentazioa ematea eta aurkezpena
16:30 Maria Xose Agraren hitzaldia
18:00 Atsedenaldia
18:30 Kajsa Dahlbergen hitzaldia
20:00 Jardunaldiaren amaiera
Larunbata, urriak 25
11:00 Soledad Novoaren hitzaldia
12:30 Atsedenaldia
13:00 Margaret Harrisonen hitzaldia
16:30 Marie-Josephe Bonneten hitzaldia
18:00 Atsedenaldia
18:30 Haizea Barcenillaren hitzaldia
20:00 Jardunaldiaren amaiera
Igandea, urriak 26
11:00 Carol Duncanen hitzaldia
12:30 Atsedenaldia
13:00 Mahai-ingurua
14:30 Ikastaroaren amaiera