MARI-ELI zarzuela egongo da apirilaren 30etik maiatzaren 1era Arriaga Antzokian. Calixto Bieitok melodia gogoraerrazak eta pasarte komikoak dituen zarzuela horren gaur egungo begirada eskaintzen du.

Jesús Guridiren zarzuela

Jesús Guridiren Mari-Eli zarzuela 1936ko apirilean estreinatu zen Madrilen, eta, Gerra Zibilaren ondoren, 1941ean, taularatu zen Bilbon, Bilboko Koral Elkartearen denboraldi lirikoaren barruan. Lanak Guridi desberdin bat erakusten digu, lanaren izaerari dagokionez, baina oso ezaguna haren idazkera musikalaren kalitateagatik. Jesús Mª Arozamenak honela deskribatzen du Mari-Eli: «Itsas kutsuko euskarazko zarzuela, melodia gogoraerrazak eta pasarte komikoak dituena, garaiko gustuen araberakoa».

INÉS LORANS eta RUBÉN FDEZ. AGUIRREk kontzertua eskainiko dute apirilaren 23an 19:30ean. Espainiako musikak XIX. mendeko Parisen izan zuen eraginaren adierazgarri da kontzertua.

Pauline Viardot, XIX. mendeko influencerra

Inés Lorans soprano frantziar-espainiarrak, 2022ko Logroñoko Nazioarteko Kantu Lehiaketaren irabazleak, egitarau zoragarria dakarkigu, eta XIX. mendeko kultura-sorlekurik garrantzitsuenetako bat izan zen Paris hirian Espainiako musikak izandako eragina islatzen du.