Txaber Altube abadiñotarrak irabazi du azaroaren 22an jokatu zuten azken finalaurrekoa, 638,5 punturekin. Haren atzetik, bigarren izan da Jone Uria, 630 punturekin.
Gorka Pagonabarraga, Imanol Uria, Jone Uria, Oihana Bartra, Txaber Altube eta Xabat Galletebeitia bertsolariek hainbat bertsozale elkartu zituzten Markina-Xemeingo Uni frontoian. Honela geratu dira saioko puntuazioak:
Txaber Altube Sarrionandia_________638,5
Jone Uria Albizuri__________________630,5
Oihana Bartra Arenas______________620
Gorka Pagonabarraga Agorria______614
Xabat Galletebeitia Abaroa_________614
Imanol Uria Albizuri________________594
Gai-jartzaile beharretan Zihara Enbeita aritu da. Epaile, ostera, hauek izan dira: Ainhoa Arregi, Ander Arrien, Garazi Mendoza, Jurgi Fuentes, Marta Ortiz, Mirari Azula eta Miriam Juaristi. Idazkari beharretan Itziar Basterretxea egon da.
Markinga Xemeingo saioa izan da bigarren bueltako bigarrena, eta beraz, azkena. Finalaurrekoetako bi bueltetako puntuazioak batuta, Bilboko Casillan ariko diren zortzi bertsolarien zerrenda osatu da: Aitor Bizkarra, Aitor Etxebarriazarraga, Jone Uria, Xabat Galletebeitia, Onintza Enbeita, Oihana Bartra, Txaber Altube eta Gorka Pagonabarraga.
Finala abenduaren 20an jokatuko da, 17:00etan, Bilboko Casillan. Sarrerak salgai daude bertsosarrerak.eus atarian.