Erakusketa honetako 14 argazki handiek gaur arte egindako jarduerak erakusten dira, kultura-aniztasunean eta dibertsitatean oinarritutako elkarbizitza gaiztotzen duten adierazpenak eta ekintzak leuntzeko. Bilboko herritarrek, erakunde publikoek, Osakidetzak, ikastetxeek, Athletic Fundazioak, gazteguneek edo era guztietako elkarteek laguntza eman diote ekimen honi eta beren irudia erakusketan erabiltzen utzi dute, denon artean, elkarbizitzaren aldeko diskurtsoa eraikitzeko.
Laguntzaileak
"Lanera" Langabezian dauden Langileen Elkartea, Mujeres con Voz Elkartea, Uribarri LHIko GE, Nueva Ciudadanía Elkartea, Athletic Fundazioa, Munduko Emakumeak Elkartea, Bizkaiko Gurutze Gorria, Sierra Maestra Euskadi Elkartea, Errefuxiatuen Laguntzarako Batzordea Euskadin (CEAR), Deustuko Familien Elkartea, Arangoitiko Auzotarren Elkartea, Osakidetza, Gurutzetako Ospitalea, Ecuador Etxea Elkartea, Ellacuria Fundazioa Gizarte Gunea, Harribide Fundazioa, Ahizpatasuna Elkartea, Mujeres por la diversidad Elkartea, Immigrazioaren Euskal Behatokia—Ikuspegi, Aldaika Heziketa Elkartea, Guztiok Lagun Elkartea, Zorrotzako Gaztegunea, Uribarriko Gaztegunea, Bilboko Auzo Elkarteen Federazioa, eta abar.
Argazkien erakusketa honek arlo desberdinak lantzen ditu, esaterako uriko etorkinen datu estatistikoak, zurrumurruen aurkako agenteek daukaten zeregina, atzerriko pertsonak etortzeko arrazoiak, eta hainbat gai: hezkuntza, osasuna, integrazioa edo elkarbizitza dibertsitatean.
Erakusketa ibiltaria
Erakusketa Abandoko geltokian (Renfe-eko sarrera-irteeran) ikusi ahal izango da bihar hasita (martitzena), baina urtarrilaren 15ean Bilboko metroaren beste leku batzuetara eramango da:
Abando geltokia (Renfeko irteera): abenduaren 23tik 2015eko urtarrilaren 15era
Zazpi Kaleetako geltokia (Unamunoko irteera): urtarrilaren 15etik 30era
Indautxuko geltokia (Urkixoko irteera): urtarrilaren 30etik otsailaren 16ra
Moyuako geltokia: otsailaren 16tik martxoaren 2ra
Deustuko geltokia: martxoaren 2tik 16ra
Santutxuko geltokia: martxoaren 16tik 31ra
Zurrumurruen aurkako proiektuari buruzko informazio gehiago: