uriola.eus

Euskararen normalizazioaren erronkak aztergai

  Euskara  Abando - Indautxu

Xabier Monasterio eta Esti Amorrortuk parte hartuko dute gaur, urtarrilak 15, 'Euskararen normalizazioaren erronkak' izeneko zikloan.

Metropolian erdalduna euskalduntzeko estrategiez mintzatuko dira Zenbat Gara elkarteko Xabier Monasterio eta Deustuko Unibertsitateko Esti Amorrortu, Topaguneko Iker Martinez de Lagos moderatzaile dutela.

Ezkerraberri fundazioak antolatutako zikloa irekia eta parte-hartzailea da interesa duen ororentzat.

Hitzordua, gaur osteguna, urtarrilak 15, 19:00etan, Arrupe Etxean (Lojendio 2).

 

Euskalduntasun urbanoaren bila

Euskalduntasuna Bilbon, noranzko berriak izena zuen mahai-ingurua antolatu zuen joan zen azaroan EH Bildu koalizioak. Txerra Rodriguez soziolinguistak eta Imanol Galfarsoro pentsalariak protagonista izan zituen saioak askorako eman zuen. Besteak beste, bilbotar euskaldunen erradiografia egiteko, proposamenak eta galderak luzatzeko edota 25 urte barru Bilboko hizkuntza komunitatearen prospekzioa aurreratzeko.

2039. urtean Bilboko euskaldunek "jarraitu beharko dute esfortzu extra egiten euskaldun gisa bizi gura badute". Txerra Rodriguez soziolinguistaren esanetan, amets "triunfalistak" utzi eta "hankak lurrean" jarri behar dira. "Gauzak ondo eginez gero" euskaldun gehiagok erabiliko du euskara gaur baino eta gainera, egoera gehiagotan erabiliko da euskara. Gauzak ondo egiteko, bazterrean "nahitaez" utzi behar dira euskararekin hertsiki loturiko hainbat kontzeptu. Esaterako, hizkuntza zaharraren mitoa, arbasoengandik datorren ondarearen mitoa, arlotekeria edo baserritarkeria eta folklorekeria. Rodriguezen arabera "probatzea" da gakoa, "hanka sartu arren".

Etorkizunean euskarak "hobera" egingo du "borondatea badagolekoa". Imanol Galfarsororen ustez "politika inteligenteekin" ezin du atzera jo. "Ez du joko guk nahi dugun bezain azkar", baina ez da "inoiz" desagertzera iritsiko. Galfarsorentzat euskaldunak "desagertzea" da helburua, ez euskara. "Hegemonia" lortu behar du. "Euskaraz norrmaltasunez hitz egitera heltzen garenean desagertuko gara euskaldun bezala. Orduan ez dugu azpimarratu beharko hau gara eta bestea gara". Hori, baina, gaur egun "ezinezkoa" da eta "teorikoki bakarrik plantea daiteke". 

 

[2014/11/12] Txerra Rodriguez: "Gauzak ondo eginez gero hiritar gehiagok eta egoera gehiagotan erabiliko dute euskara"

 

2015/01/15 19:00

Arrupe Etxea Abando - Indautxu

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa