Zortzigarren ediziora heldu den kontzertu didaktikoen zikloaren helburu nagusia entzuleak musika klasikora hurbiltzea da, musika genero horren ezagutza eta gozamena bultzatuz, eta txikienen artean musika genero horretara ikus-entzule berriak erakartzea.
Gaur, maiatzak 22, harizko musika-tresnen inguruko kontzertu pedagogikoa eskainiko du Alos Quartet taldeak (Xabier Zeberio eta Francisco Herrero, biolinak, Lorena Nuñez, biola eta Pello Ramirez, biolontxeloa). Oraingo honetan, programak harizko musika-tresnen historiaren inguruko ibilbide interesgarria eta dibertigarria proposatzen du.
Kontzertu didaktikoen aurtengo edizioa maiatzaren 29an amaituko da, biolinarekin aritzen den Jose Manuel Cachok eta pianoa jotzen duen Victor Jimenezek osatutako Impromptu taldearen saio bikoitzarekin.
Arratsaldeko 18:00etan La magia de la música hasiko da, familia osoari zuzendutako kontzertua, Balbi magoarekin. Bertan musika-tresnak erakutsiko dira, eta musikak magia ere sortzen duela erakutsiko zaie txikienei.
Arratsaldeko 20:00etan hasiko den bigarren kontzertuak XIX. mendeko konposatzaile handienetakoa izan zen Schubertengana eta bere musikara hurbiltzeko aukera emango du. Bere bizitza laburrean 600 abesti baino gehiago idatzi zituen, musika eta poesia era bikainean uztartuz. Horrez gain, kamerako konposizioak, pianorako lanak eta sinfoniak ere idatzi zituen. Kontzertu horretan Itziar de Unda sopranoak hartuko du parte.
MUSIKA DIBERTIGARRIA DA
MAIATZAK 8 - 18:00 FELIPE Y LOS SIETE MORTÍFEROS
Musika-ipuinak tronboirako, biolontxelorako eta narratzailearentzako (euskaraz). Familientzako ikuskizuna.
MAIATZAK 15 - 19:30 MICHEL GASCO eta MARISA DELSHAD
Ekialdeko musika lautearen bitartez.
MAIATZAK 22 - 19:30 ALOS QUARTET
Harizko musika-tresnetan oinarritutako kontzertu pedagogikoa.
MAIATZAK 29 - IMPROMPTUA
18:00 LA MAGIA DE LA MÚSICA, BALBI magoarekin. Familientzako ikuskizuna.
20:00 SCHUBERT, Itziar de Unda sopranoarekin.
LEKUA: Abando-Barrainkuako udaltegia
Sarrera dohainik. Leku kopuru mugatua. Leku guztiak bete eta gero ezin izango da kontzertura sartu.