Gaur goizeko 12:00etan elkarretaratzera deitu du Bizkaiko Mugimendu Feministak Eusko Jaurlaritzak Diru-sarrerak Bermatzeko Errentan egindako murrizketak salatzeko. Zuen murrizketak, gure zama lelopean, emakumezkoek “enplegu prekarioenak” izanik, murrizketa bakoitzak “bizkarrean zama handia” dela salatu nahi dute, “sistema honek funtzionatzeko behar diren zaintza lanak guk dohainik egiten ditugu”. Hori dela eta, Euskal Herriko Eskubideen Kartak bultzatutako mobilizazio kanpainaren baitan Mugimendu Feministetako eragileei deia zabaldu die, ekainaren 22an Bilboko Eusko Jaurlaritzaren egoitzaren aurrean burutuko duten ekintzan parte har dezaten. Motxilak eramateko deia ere egin du, “zama eraikinaren atean deskargatzera goaz”.
EAEn pobrezia egoeran aurkitzen diren 69.000 pertsona daude.