uriola.eus

'Euskal Komikia' erakusketak ateak irekiko ditu gaur Foru Liburutegian

  Kultura-aisialdia  Abando - Indautxu

Gaurtik irailaren 28ra bitartean ospatuko da erakusketa Bizkaiko Foru Liburutegian eta Euskadin komikiaren munduan izandako mugimendu nagusienak bilduko ditu. Liburutegira sartzeko NANa, pasaportea edota Liburutegiko Txartela aurkeztu behar da.

Gaur eta irailaren 28ra bitartean ikusgai izango da Euskal Komikia erakusketa Bizkaiko Foru Liburutegian. Erakusketak Euskadin komikiaren munduan izandako mugimendu nagusienak bilduko ditu: aldizkarien boometik fanzineak agertu ziren arte, autore-komikietatik atzerriko merkatuen konkistara.

Erakusketa Bizkaiko Foru Liburutegiko bigarren solairuan dagoen Areto Nagusian ikusgai izango da astelehenetik ostiralera 10:30etik 14:30era, eta arratsaldez 16:30etik 19:30era. Larunbatetan, aldiz, 10:30-13:30 bitartean soilik izango da ikusgai.

Foru Liburutegira sartzeko NANa, pasaportea edota Liburutegiko Txartela aurkeztu behar da. 

2017/09/14 - 2017/09/28

Foru Liburutegia | Bilbo

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa