Greenpeaceren Esperanza itsasontzia astelehenean heldu zen Bilbora Klima Salbatu Misioa kanpainaren amaierako fasearekin bat eginez. Bilbora iritsi aurretik Coruña eta Gijón herrietatik igaro da Kantauri itsasoan egindako ibilbidean. Helburua, aldaketa klimatikoari irtenbidea ematea da.
Halaber, Energia kolaboratzailea: hiritarren boterea energia berriztagarriak sortu, elkarbanatu eta kudeatzeko txostena aurkeztu du Greenpeacek Euskadiko datuekin. Bertan, energia berriztarragarrietara trantsizioa egiteko herritarren nahia ezagutzera ematen du.
Hurrengo egunetan Esperanzan herritarren eta politikarien arteko hainbat topaketa gauzatuko dira.
Bisitak
Itsasontzian Itsas Museoaren kaian lotuta izango da bihartik, irailaren 15etik, igandera bitartean eta sarrera doakoa izango da. Ostiralean ordutegia 16:00etatik 20:00etara izango da; larunbatean, 10:00etatik 13:30etara goizean eta 16:00etatik 20:00etara arratsaldean. Igandeko ordutegia goizeko 10:00etatik 13:30etara, eta arratsaldean 16:00etatik 20:00etara izango da.
Klima Salabatu Misioa
Elkarte ekologistak Galizian eta Asturiasen errebindikatu du aldaketa klimatikoaren arduradunei planto egitearen beharra, eta, horrekin batera, aldaketa energetikoaren erdigunean pertsonak ipintzeko premia.
Klimaren Doilorrak
Elkarte ekoloogistak Klimaren Doilorrak txostena aurkeztu dute, eta bertan Mariano Raxoi eta Donald Trump bezalako agintarien ingurumen politikak aztergai izan dituzte.
Halaber, Josu Jon Imaz izendatu du Greenpeacek Euskadiko doilor nagusia Petronor eta Repsol enpresekin duen loturagatik. Elkarteak jakinarazi duenez, Petronor Estatuko zazpigarren lantegi kutsakorrena da eta iraganeko eredu energetiko baten alde "apustu" egiten jarraitzen du.