uriola.eus

Indautxu Eguna ospatuko da maiatzaren 8 eta 9an

  Kultura-aisialdia  Abando - Indautxu

Pasa den urteko Indautxu Eguna online bidez egin ondoren, aurten kaleetara itzuliko dira. Aurtengo jaiak ere ezberdinak izango diren arren, Indautxuko Jai Batzordeak dio auzoko jendea “zerbait” egiteko gogo askorekin dagoela. Hori dela eta, hainbat zailtasunei aurre egin ondoren, hainbat ekintza antolatu dituzte datorren asteko larunbata eta igandean Indautxu plazan.

Maiatzaren 8an, larunbata, emango zaio hasiera jaiari. Potxin eta Patxin pailazoek hasiko dute eguna 11:00etan. 12:30ean bertso-saioa eskainiko dute Uxue Alberdik, Oihana Bartrak eta Nerea Ibarzabalek. 14:00etan bazkaria eskainiko dute kolaboratzaile diren tabernetan eta ondoren, 16:30ean, Catan, Partxis eta xakea bezalako mahai jolasak antolatuko dituzte. Eguna amaitzeko, bi kontzertu egongo dira: 19:00etan Marta, David eta Goliath-ena eta 20:00etan Leie Meie.

Igandean, maiatzaren 9an, mendi-martxa abiatuko da 10:00etan Bilbo Inguruko Berdegunetik eta 12:00etan bisita gidatua egingo dute auzoan Indautxu Egunari amaiera emateko.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa