Alua duten pertsonentzat pentsatutako tailerra (generoa kontuan hartu gabe) eskainiko du Rosario Venenok urriaren 19an 16:00etatik 19:00ak arte La Sinsorgan. Aluak zaintzeko proposamen holistikoekin esperimentatzeko, praktika taoistei eta ginekologia naturalari jarraituz pentsatutako tailerra izango da. Obulutegiko arnasketa, automasajea eta pelbiseko zoruaren erlaxazioa landuko dira, eta lurruneztatzeak egiten eta sendabelarrak erabiltzen ikasiko dute, hilekoaren osasuna hobetzeko.
Sormen Errebelde Feminista zikloaren azken tailerra azaroaren 27an izango da Deustu-San Inazioko Modulu Psikosozialean. Inés Bermejo Larrañagak fanzinearen mundua ezagutaraziko du, irakurketak hankaz gora jarriz. Fanzine: Irakurketak hankaz gora