55 erakusle, 44 egile eta 300.000 bisitari izan ditu aurten Bilboko Liburu Azokak, maiatzaren 29tik ekainaren 8ra bitartean. Oso datu baikorrak Euskadiko Editoreen Elkartearen arabera. Pozik daude antolatzaileak iazko datuak hobetzea lortu baitute aurtengo edizioan. Besteak beste, liburuen salmenta %15 igo da aurten.
Euskarazko liburu salduenak Bernardo Atxagaren Nevadako egunak eta Jon Arretxeren Hutsaren itzalak izan dira. Gaztelaniazkoen artean dago Atxagarena ere, Dolores Redondoren Legado en los huesos eleberriarekin batera.