uriola.eus

Konpartsakide Eguna, bi kide gehiagorekin

  Jaiak  Alde Zaharra

1.600 lagun inguru batu ditu aurtengo Konpartsakide Egunak Areatzan lehenik eta Zazpi Kaletan gero. Aste Nagusirako motorra berotu zuten konpartsek, berrikuntza eta guzti. Bi konpartsa berriren agerpenarekin.

Konpartsakide Eguna, bi kide gehiagorekin
Argazkiak: Bilboko Konpartsak | Ikusi handiago | Argazki originala

Trikimailu eta Munduko Jendeak konpartsa berriak aurkeztuak izan dira, non eta Bilboko Areatzan, konpartsen jai gunean. Joan den larunbateko Konpartsakide Eguna baino egun egokiagorik ez zegoen eta horrela egin zuten eszenatoki gainean hainbat konpartsakideren aurrean.

Hasiera ezin hobea eman dio Trikimailuk bere ibilbideari. Izan ere, bigarren postua eskuratu zuen Pintxo Lehiaketan. Ohi bezala, maila handia erakutsi zuten konpartsek pintxo originalak prestatzen. Bizizaleak izan zen lehiaketako garaile eta Askapeña hirugarren.

Garilak 26 taldearen erromeria, euria zela eta, bertan behera geratu zen. Baina euria ez zen aitzakia izan jai giroa eteteko. Erromeria kalejira bihurtu zuten konpartsakideek Plaza Barriko arkupetan lehenengoz eta Zazpi Kaletan atertu ostean Okrestaren laguntzari esker.

 

[2014/07/18] Bihar ospatuko da 2014ko Konpartsakide Eguna

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa